Rusia ka rritur sigurinë në urën e saj të vetme për të mbërritur në Krime pasi një shpërthim i madh shkatërroi një pjesë të saj të shtunën që lamë pas.
Presidenti rus Vladimir Putin ka urdhëruar shërbimin federal të sigurisë në vend që të mbikëqyrë urën lidhëse me gadishullin e pushtuar, shkruan BBC.
Ura konsiderohet një simbol i aneksimit rus të Krimesë në vitin 2014. Si pasojë e shpërthimit mbetën të vrarë tre persona, thanë autoritetet ruse.
Zyrtarët kanë deklaruar se puna për të rregulluar pjesët e dëmtuara si pasojë e shpërthimit, do të nisë menjëherë. Zëvendëskryeministri rus urdhëroi që pjesët e shkatërruara të urës të hiqen menjëherë.
Ura ka qenë vendimtare për Rusinë për lëvizjen e pajisjeve ushtarake, municionit dhe trupave në Ukrainën jugore.